ONS STORIE
Gestig in 1999
Samelko is ’n landboukoöperasie wat deur ons lede bedryf word. Ons is in Maart 1999 gestig en verteenwoordig vandag ongeveer 200 melkprodusente in die Wes- en Oos-Kaap. Ons lede vervaardig saam jaarliks ongeveer 375 miljoen liter melk, ongeveer 13% van die land se totale melkproduksie.
VIR MELKPRODUSENTE
Ons doelwit
Ons doelwit is om ’n mededingende en winsgewende markomgewing vir melkprodusente wat Samelko-lede is te skep om hul vooruitgang te bevorder.
Samelko word bestuur deur ’n direksie wat die areas wat ons dien, verteenwoordig. Al ons direkteure is primêre melkprodusente. Ons bedrywighede word gefinansier deur ’n maandelikse heffing van 0,2% van lede se netto inkomste uit melkverkope. Samelko se kantoor is in Bredasdorp (by die Boshoff Visser-gebou) geregistreer en die koöperasie se personeel bestaan uit ’n hoof-, kantoor- en tegniese bestuurder.
LIGGING
Waar werk ons?
SUID AFRIKA
Samelko se diensgebied word soos volg verdeel:
Oos-Kaap
Oos-Londen | Oos van Gqeberha (voorheen bekend as Port Elizabeth) | Wes van Gqeberha, insluitende Tsitsikamma
Wes-Kaap
George-streek | Heidelberg-streek | Swellendam-streek | Bredasdorp-streek | Caledon-streek